Transfuzioni i gjakut mban firmën e një hebreu.

Karl Landsteiner është imunologu hebre që zhvilloi sistemin modern të klasifikimit të grupeve të gjakut A, B, AB dhe 0, në vitin 1900, që solli edhe transfuzionin e gjakut pa rrezikuar jetën e pacientit, i realizuar nga mjeku Reuben Ottenberg  në Mount Sinai Hospital Mount në Nju Jork në vitin 1907.

Ndiq "Izraeli Biznes" në Facebook dhe Twitter dhe Instagram dhe behu anetar i Grupit Izraeli dhe Shqiptaret

I lindur në një familje hebrenjsh austriakë në Vjene, Karl Landsteiner (14 qershor 1868 – 26 qershor 1943), djali i një gazetari të njohur vjenez, Leopold Landsteiner, ish-kryeredaktor i “Die Presse”, konsiderohet si babai i transfuzionit në mjekësi.

Qysh kur ishte student i mjekësisë në Universitetin e Vjenës, Karl Landsteiner, shkroi tezën e tij të doktoraturës në 1891 në lidhje me influencën e dietës në kompozimin e gjakut.

Ai i thelloi studimet e tij në Zvicër dhe Gjermani, dhe më pas punoi në Vienna General Hospital.

Së bashku edhe me Constantin Levaditi dhe Erëin Popper, ai zbuloi virusin e poliomielitit në vitin 1909.

Karl Landsteiner vazhoi punën e tij në Roman Catholic Hospital në Hagë, Holandë dhe më pas në Rockefeller Institute for Medical Research në Nju Jork, ku dhe u vendos përfundimisht.

Në vitin 1930, Karl Landsteiner mori Çmimin Nobel në Fiziologji dhe Mjekësi, si dhe u nderua me çmime të shumta prestigjioze në Holandë dhe SHBA.

Portreti i tij ishte stampuar në kartëmonedhën 1000 shiling të Austrisë.

Karl Landsteiner vdiq në moshën 75-vjeçare në Nju Jork, SHBA.