Ambasadorja e Kosovës në Izrael, Ines Demiri, me ftesë të Federatës së Dhomave të Tregtisë së Izraelit (FICC), mori pjesë në Forumin Diplomatik të organizuar nga ky institucion.

Presidenti i FICC, z. Uriel Lynn, Ministri i Ekonomisë dhe Industrisë (MEI) të Shtetit të Izraelit, z. Nir Barkat, dhe Zëvendëspresidenti dhe Drejtuesi i Komitetit Ndërkombëtar pranë FICC, z. Amir Shani, mbajtën fjalët hyrëse para ambasadorëve dhe pjesëtarëve të tjerë të korit diplomatik.

Në këtë forum u diskutuan mundësitë që ofron tregu izraelit, pas reformës së importit për prodhuesit e huaj, në sektorët e ekonomisë, industrisë, shëndetësisë dhe bujqësisë.

U fol edhe për tregtinë e jashtme dhe për parashikimet për ekonominë izraelite për vitin 2023.

Postimi i Ambsasadores Ines Demiri

Me ftesë të Federatës së Dhomave të Tregtisë së Izraelit (FICC), pata nderin të marr pjesë në Forumin Diplomatik të organizuar nga ky institucion.

Në mesin e folësve ishin edhe z. Inon Elroy, Zëvendësdrejtor i Përgjithshëm dhe Shef i Autoritetit për Bashkëpunim Industrial në MEI të Izraelit, znj. Pnina Oren Shneydor, Shefe për Shërbime Kombëtare të Ushqimit në Ministrinë e Shëndetësisë së Izraelit, znj. Stav Cohen, Këshilltare e Lartë e Drejtorit të Përgjithshëm në Ministrinë e Bujqësisë dhe Zhvillimit Rural të Izraelit, Prof. Nachman Ash, ish-Drejtor i Përgjithshëm në Ministrinë e Shëndetësisë, z. Zivka Schwimmer, Kryeshef Ekzekutiv i kompanisë “Electra Consumer Products”, z. Ohad Cohen, Komisioner Tregtie, Drejtor i Administratës për Tregti të Jashtme në MEI, znj. Yael Ravia-Zadok, Zëvendësdrejtore e Përgjithshme në Divizionin për Ekonomia në Ministrinë e Punëve të Jashtme të Izraelit, dhe Prof. Leonardo Leiderman, Këshilltar kryesor ekonomik pranë “Bank Hapoalim”, njëra prej bankave tregtare më të mëdha në Izrael. ????