Delek Group Ltd, njësia e Delek Drilling LP dhe Noble Energy Inc. mund të fillojën eksportimin e gazit natyror në Egjipt, duke filluar nga tremujori i parë i vitit 2019, tha CEO i East Gas Co., Mohammed Shoeib, për “Bloomberg”.

East është partneri egjiptian i Delek dhe Noble, i cili ka marrë 39% të aksioneve në tubacionin e East Mediterranean Group (EMG)  midis Izraelit dhe Sinait.

“Ne presim që tubacioni të jetë në gjendje të mirë”, tha Shoeib për “Bloomberg”. “Ne synojmë të arrijmë kapacitetin e plotë të tubacionit ose normën maksimale të rrjedhës brenda tre viteve”.

Shoeib pret që furnizimet të fillojnë në 100 milionë metra kub në ditë deri në mars dhe të rriten në 700 milionë kub në ditë kur veprojnë në kapacitet të plotë.

Delek dhe Noble kanë nënshkruar një marrëveshje me Dolphinus Holdings të Egjiptit për të furnizuar 64 miliardë kub të gazit me vlerë rreth 15 miliard dollarë gjatë 10 viteve të ardhshme nga fushat e Tamar dhe Levitanit.

/Izraeli Sot/