Paris, 8 janar 2015 – Roger Cukierman, President i organizatës të Hebrenjve francezë (French Jewish) e përshkroi sulmin terrorist në zyrat e gazetës satirike Charlie Hebdo si një “sulm kundër demokracisë franceze”, duke shtuar se ky është një paralajmërim që pasiguria midis hebrenjve francezë do të rritet për pasojë.

“Kjo është në luftë që Islamistët janë duke bërë në të gjithë botën, nga Siria në Irak, nga Mali në Gaza dhe tani në Paris”, tha Cukierman për “The Algemainer”.

“Ne duhet të kuptojmë se kjo është një çështje për jetë a vdekje për demokracitë perëndimore”.

Dy persona të armatosur me kallashnikovë sulmuan ambientet e redaksisë së revistës satirike “Charlie Hebdo” në Paris, duke vrarë 12 persona dhe plagosur 8 të tjerë.

Viktima mbetën 10 pjesëtarë të stafit të revistës, mes tyre drejtori i saj, Stephan Charbonnier, si dhe tre prej karikaturistëve më të rëndësishëm të saj: Cabu, Tignous dhe Georges Wolinski (me origjine hebre). Po ashtu u ekzekutuan edhe 2 punonjës policie.