Startapi australian-izraelit Electriq~Global deklaroi se ka gjetur një mënyrë për të përdorur ujin për të fuqizuar makinat elektrike.

Kompania, e njohur më parë si Terragenic, po paraqiti teknologjinë e saj si pjesë e EcoMotion 2018 “Samiti i mobilitetit të zgjuar” që po zhvillohet (të hënën dhe të martën) në Tel Aviv.

Kompania tha se karburanti i riciklueshëm me bazë uji është “shumë efikas, i sigurt” dhe i pastër dhe mund të përdoret për të fuqizuar automjetet elektrike me zero emetime.

Teknologjia, e cila kompania e quan “revolucionare”, nxjerr hidrogjen nga karburantet, i cili pastaj përdoret për të krijuar energji elektrike për të fuqizuar automjetin, shkruan “The Times of Israel”.

Teknologjia e Electriq ~ Global arrin dyfishin e gamës së makinave elektrike në gjysmën e kostos, sipas kompanisë.

Bateria e Tesla Model-S 2018 ka një distancë prej 500 kilometrash, ashtu siç bën një makinë me presion të hidrogjenit, si Toyota Mirai 2018 dhe një makinë mesatare me karburant pa lendë.

Electriq pretendon se automjetet e tij do të kenë një distancë prej 1,000 kilometrash, sipas të dhënave të ofruara në faqen e saj të internetit, dhe mund të furnizohen me karburant në pesë minuta.

Kostoja e tij për rezervuar do të jetë 25 dollarë në krahasim me 80 dollarë për rezervuarin e hidrogjenit të Mirai dhe 50 dollarë për një makinë mesatare me karburant pa plumb, sot.

Dendësia e energjisë së karburantit është deri në 15 herë më e lartë se ajo e baterive elektrike që aktualisht përdoren në automjete si Tesla, tha kompania në një deklaratë.

Kompania është themeluar në vitin 2014 nga Alex Silberman, oficeri teknologjik i kompanisë, i cili është një elektro-kimist me 30 vjet eksperiencë në ruajtjen e energjisë, baterive dhe qelizat e karburantit, thotë faqja e internetit.

/Izraeli Sot/