Lidhjet e Izraelit me Shqipërinë po bëhen gjithmonë e më të ngushta.

Ambasadori i Shqipërisë në Izrael, Bardhyl Canaj, pati një takim me drejtoren e Komitetit Amerikano-Hebraik (AJC), dega Izrael, zonjën Avital Leibovich, e cila pak kohë më parë vizitoi Shqipërinë dhe Kosovën.

“Shkëmbim pikëpamjesh me Avital Leibovich, Drejtore e Komitetit Amerikano-Hebraik, pas vizitës së saj në Kosovë dhe Shqipëri. Ndarje e opinioneve mbi rolin e Shqipërisë në promovimin e paqes dhe bashkëpunimit në Ballkan dhe Përforcimi i lidhjeve mes Shqipërisë-Izraelit dhe AJC përmes intensifikimit të marrëdhënieve”, shkruan ambasadori Canaj në një postim të tij në Facebook dhe Twitter.

Exchanging views with @AvitalLeibovich Director of the AJC in Israel, following her visit in Kosova and Albania. Sharing opinions on the role of Albania in promoting peace and cooperation in Balkan&Strengthening ties between ?? & ??& @AJCGlobal through intensifying relations. pic.twitter.com/dBPyvIhy0i

— Albania in Israel (@AlEmbassyIsrael) November 12, 2018

Gjatë vizitës së saj në Tiranë, Znj.Leibovich u prit nga Kryetari i Parlamentit Shqiptar, Gramoz Ruçi si dhe dha një intervistë për emisionin “Diplomaticus” në News24.