Vendimi i Kosovës për njohjen e Hezbollah si një organizatë terroriste, vazhdon të marrë mbështetje nga e gjithë bota.

Sekretari i Shtetit, Mike Pompeo, tha në një mesazh në Twitter se Shtetet e Bashkuara e mirëpresin përcaktimin e Kosovës të Hezballahut si një organizatë terroriste, dhe se u bën thirrje vendeve të tjera të bashkohen me Kosovën.

“SHBA mirëpret përcaktimin nga ana e Kosovës të Hezbollahut si një organizatë terroriste. Me mbështetjen e Iranit, Hezbollah vazhdon të planifikojë sulme në Europë dhe në mbarë botën. Ne i bëjmë thirrje të tjerëve të bashkohen me Kosovën dhe ta ndalojnë këtë grup terrorist nga financimi i operacioneve të tij të përgjakshme”, shkruan Sekretari Pompeo.

The U.S. welcomes Kosovo’s designation of Hizballah as a terrorist organization. With Iran’s support, Hizballah continues to plot attacks in Europe and around the world. We call on others to join Kosovo and stop this terrorist group from financing its bloody operations.

— Secretary Pompeo (@SecPompeo) June 30, 2019

Edhe Presidenti i Kongresit Botëror Hebraik (World Jewish Congress), Ronald Lauder, e përshëndeti vendimin e Kosovës për njohjen e Hezbollah si një organizatë terroriste.

Lauder tha, “Ne e vlerësojmë Kosovën për mbështetjen e saj për këtë qëllim. Vendimi i saj për të bërë këtë gjë vjen në një pikë vendimtare në histori, teksa ne shënojmë 25 vjet që nga bombardimet e vitit 1994 të qendrës hebreje AMIA në Buenos Aires, të cilat vranë 85 veta dhe plagosën qindra të tjerë.
Lauder kërkoi që “qeveritë dhe organizatat ndërkombëtare në mbarë botën të ndjekin rrugën e Kosovës, për të siguruar që kurrë të mos dorëzohemi ndaj këtyre terroristëve”. Hezbollahu shpërtheu një autobus turistik izraelit në vitin 2012 në Burgas të Bullgarisë, duke vrarë pesë izraelitë dhe shoferin e tyre mysliman-bullgar të autobusit bullgar.

Drejtoresha e Komitetit Amerikano-Hebraik (AJC – American Jewish Comittee), dega Izrael, zonja Avital Leibovich, e falenderoi në mënyrë publike Presidentin e Kosovës, Hashim Thaçi, për njohjen e Hezbollah si një grup terrorist.

“Faleminderit Presidenti i Kosovës, Hashim Thaçim për njohjen e Hezbollah si një grup terrorist. Shpresoj që kjo do ta sjellë Izraelin dhe Kosovën më afër”, shkruan Leibovich në Twitter.