“Numri i turistëve izraelitë që kanë ardhur në Shqipëri gjatë kësaj vere janë trefishuar, krahasuar me vitin e kaluar”.

Kështu shkruan ambasadori i Izraelit në Shqipëri, Z.Boaz Rodkin, në një status të tij në rrjetin social Twitter.

“Falë Israir Arilines, lidhjet midis Izraelit dhe Shqipërisë janë zgjeruar këndshëm. Unë isha mjaftueshëm me fat që të kontribuoja në këtë zhvillim”, thekson ambasadori izraelit.

? “The number of Israeli tourists who came to Albania this summer has tripled, compared to last year”.

??✈️?? Thanks to Israir Airlines, the ties between #Israel & #Albania are expanding nicely.

? I was lucky enough to contribute to this development.

? Florian Zerja pic.twitter.com/pRaTGrbgeV

— Boaz Rodkin (@AmbRodkin) August 6, 2019

Edhe ministri shqiptar i Turizmit, Blendi Klosi, e theksoi rritjen e numrit të turistëve izraelitë, në një prononcim të tij nga aeroporti ndërkombëtar i Rinasit, duke theksuar se deri në muajin qershor kanë hyrë në Shqipëri rreth 20 mijë turistë nga Izraeli.

“Falënderoj kompaninë për numrin e madh të turistëve izraelitë që kanë ardhur në Shqipëri gjatë verës së këtij viti dhe numrat janë realisht impresionues nga viti i kaluar dhe nga një vit më parë, numri është trefishuar, duke shkuar në 20 mijë turistë izraelitë që janë futur deri në fund të muajt Qershor”.

Për Klosin ky bashkëpunim do të jetë model edhe për kompani të tjera ajrore ne funksion te shtimit te numrit te turisteve.

“Kjo mundësi e shtuar krijon padyshim një destinacion të ri, që do të ndiqet edhe nga kompanitë e tjera izraelite të cilat e shikojnë Shqipërinë si një diamant në sektorin e turizmit dhe si një perspektivë e re e turizmit izraelit. Pra në gjuhën e shifrave rritja e avionëve nga Israir është impresionuese, vjet për herë të parë u testuan dy avionë në javë dhe vetëm për dy muajt e verës, sivjet jemi në katër avionë në javë pothuajse për të gjithë periudhën nga prilli deri në shtator dhe ajo çfarë premtojnë drejtuesit më të lartë të Israir, me të cilët kemi një dakordësi tashmë është që vitin tjetër të ketë shtatë fluturime në javë”.