Konsulli i Nderit të Shqipërisë në Izrael, Z.Avraham Rinot, u nderua me një ceremoni të veçantë të zhvilluar në Tel Aviv, për kontributin e tij në forcimin e marrëdhënieve midis Izraelit dhe Shqipërisë.

Sipas informacionit të Ambasadës shqiptare në Izrael, biznesmenit të njohur izraelit, Avraham Rinot,  iu akordua titulli “Doctor Honoris Causa”, nga Universiteti “Luarasi” në Shqipëri, titull që e dorëzoi i ftuari special në ceremoni, Z.Irfan Hysenelliu, presidenti i “Hysenbelliu Group” dhe Universitetit “Luarasi”, për kontributin e tij të rëndësishëm në forcimin e lidhjeve afariste dhe akademike midis dy Izraelit dhe Shqipërisë.

Gjithashtu, Z.Rinot u nderua edhe me “Medaljen e Mirënjohjes” nga ambasadori i Shqipërisë në Izrael, Dr. Bardhyl Canaj, përkushtimin e palodhshëm të zotit Rinot ndaj promovimit të interesave të shqiptarëve në Izrael.

Janë tre konsuj nderi të Shqipërisë në Izrael dhe ata janë qytetarët izraelitë: Rafael Faust, Menashe Getz (konsullata në Eilat), Avraham Rinot (konsulata në Haifa).