Me ftesë të Ambasadores kroate, znj. Vesela Mrden Korac, në kuadër të presidencës kroate të BE-së, Ambasadori i Shqipërisë në Izrael, Dr. Bardhyl Canaj, mori pjesë në Konferencën digitale “The monetary policy response in Croatia, Euro area and Israeli economy in time of Covid-19 crises” (Përgjigja e politikës monetare në Kroaci, Eurozonë dhe ekonomia izraelite në kohën e krizave Covid-19).

Në këtë konferenncë on-line, ishte i ftuar edhe Ambasadori i BE-së Emanuele Giaufret.
Fjala hyrëse u mbajt nga z. Dan Catavaris, Kryetar i Dhomave të Tregtisë Israel-BE, ndërkohë që prezantimi mbi pasojat ekonomike të krizës COVID-19 në Eurozonë dhe më gjerë, u mbajt ng z. Vedran Sosic, drejtues i Bankes Kombëare kroate si dhe u pasua nga z. Michel Strawczynski, kreu i Bankës së Izraelit.

Ambasadorja kroate u fokusua në prioritetet e Presidencës kroate në aspektin ekonomik, kur BE është goditur fort nga kriza COVID-19, bashkëpunimin ndërmjet institucionve të BE-se si dhe masat kufizuese të propozuara nga Komisioni me këtë rast. U ndal vecanërisht në masat koordinuese për riatdhesimin e qytetarëve kroatë dhe të vendeve të tjera anëtare duke nënvizuar se qëllimi i këtyre përpjekjeve ishte aspekti human dhe shpëtimi i jetëve të njerëzve si dhe mbështetja e ekonomive nën efektin e tkurrjes si pasojë e krizës pandemike.