Kryetarja e Kuvendit të Kosovës, Vjosa Osmani, priti në takim një përfaqësi nga Kosova Jewish Organization (KJO), të kryesuar nga koordinatorja Artina Hamitaga. Pjesëmarrëse ishte edhe Blerta Ismajli, e cila i ka kryer studimet në Izrael

Sipas KJO, takimi pati karakter informues lidhur projektin e organizatës dhe projektet e saj në Kosovë, veçanërisht në forcimin e lidhjeve mes Kosovës dhe Izraelit si dhe edukimin e të rinjve në luftën kundër Antisemitizmit.

Kryeparlamentarja Osmani u shpreh e gatshme të mbështesë Kosova Jewish Organization.

Ajo inkurajoi përfaqësuesit e KJO, që si model të kënë Izraelin dhe hebrenjtë në shumë sfera, sidomos në atë të përkujtimit dhe ruajtjes së historisë si dhe trajtimit të diasporës.

Pak ditë më parë, Kryetarja e Kuvendit të Kosovës, Vjosa Osmani ka deklaruar gjatë fjalimit të saj me rastin e festimit të Vitit Hebraik 5781 në Prishtinë se, nuk ka dy popuj të tjerë në botë si populli i Kosovës dhe ai hebre që kuptojnë më mirë vuajtjet e njëri-tjetrit.

“Historia e dëshmon që për një kohë të gjatë, por në veçanti shtatë dekada më parë, kur populli i Kosovës dhe gjithë shqiptarët i qëndruan pranë popullit hebraik, për t’i shpëtuar ata nga shfarosja. Para 20 vitesh gjatë luftës në Kosovë, kur populli i Kosovës po rrezikohej pikërisht nga shfarosja, atëherë ishte populli i Izraelit dhe popujt demokratikë anembanë botës që i hapen dyert e tyre për refugjatë nga Republika e Kosovës”.

“Njohja nga Izraeli është një prej njohjeve më të rëndësishme që i ka ardhur Kosovës qe një kohë të gjatë. Kjo edhe njëherë dëshmoi se që nga shpallja e pavarësisë sonë, Shtetet e Bashkuara kanë rol ekzistencial në përkrahjen dhe konsolidimin e subjektivitetit ndërkombëtar te Kosovës”, shkruan kryeparlamentarja e Kosovës në një postim të saj në rrjetet sociale.

מסר מרגש ודרישת שלום מיו"ר הפרלמנט של קוסובו, עוסמני ויוסה, המדינה המוסלמית הראשונה שתפתח שגרירות בירושלים.

A touching message from Dr. Vjosa Osmani, Speaker of the Parliament of Kosovo, the first Muslim-majority nation to open an Embassy in Jerusalem. pic.twitter.com/7LFMUelUTx

— Benjamin Netanyahu (@netanyahu) September 7, 2020

Po, ashtu Kryeministri Benjamin Netanyahu ndau në Twitter një video në të cilën Vjosa Osmani, falënderoi Izraelin për njohjen e Republikës së Kosovës dhe shprehu shpresën se lidhja e re midis dy kombeve do të forcohet përmes bashkëpunimit parlamentar.