Nga Robert Shala

Drejtor ekzekutiv i kompanisë Sentry Cyber Security

Siguria Kibernetike është shndërruar në një nga industritë më të fuqishme dhe një nga elementët kyç në botën e sotme, që falë teknologjive inovative është gjithmonë edhe më aksesueshme online.

Investitorë të rëndësishëm në të gjithë botën po investojnë miliarda dollarë apo euro, për të mbrojtur sigurinë e tyre online nga sulmet kibernetike që po bëhen gjithmonë e më shumë një kërcënim real për kompanitë të çfarëdo lloj përmase dhe vendndodhje.

Edhe Kosova ka nisur të investojë në sigurinë kibernetike duke krijuar kompani, të cilat tashmë kanë grumbulluar përvojë të vlefshme dhe kanë klientë lokalë dhe ndërkombëtarë.

Një nga këto është edhe Sentry Cyber Security, e cila është kompani e themeluar në Prishtinë dhe e specializuar në ofrimin e shërbimeve dhe produkteve në fushën e sigurisë kibernetike.

Disa nga shërbimet kryesore të cilat i ofron kompania jonë janë “Penetration Testing”, “Cyber Education” dhe  “Cybersecurity Software Development”. Përpos selisë qëndrore në Republikën e Kosovës, Sentry operon edhe në Bosnje dhe Hercegovinë përmes së cilës ofrojmë shërbimet tona për tregun rajonal te Ballkanit.

Shërbimet tona kryesisht i ofrojmë për eksport me fokus kryesor Shtetet e Bashkuara të Amerikës. Gjatë këtyre viteve kemi fituar besimin e kompanive me renome në tregun Amerikan dhe Evropian ku disa prej emrave të cilët mund t’i veçojmë janë Veracode, IOactive, Raiffeisen Bank, Vienna Insurance Group, dhe tjerë.

Përpos klientëve, Sentry është vepron në Shtetet e Bashkuara të Amerikës edhe përmes partnereve që përbëhen nga inxhinier të specializuar, ish-ushtarakë Amerikan dhe ish Zyrtare të qeverise së SHBA.

Për një hop më cilësor dhe me një vizion për të qenë edhe Kosova një lojtar në tregun e industrisë kibernetike, mendoj se Kosova duhet të ndjekë modelin e Izraelit për Sigurinë Kibernetike.

Izraeli ka kompani me emër në botë dhe suksesi i tyre mund të mësojë shumë për ta shndërruar Kosovën një “Start-up Nation” në Ballkan.