Gazeta e madhe izraelite “The Jerusalem Post” publikon vazhdimisht letra që lexues të ndryshëm i dërgojnë redaksisë së saj. Një prej tyre është dhe Kevin Greenbaum nga Tel Avivi, i cili shkruan se “Kosova, kombi i parë me shumicë myslimane që njeh qartë – se Jeruzalemi është kryeqyteti i shtetit hebre. Unë pres që të vizitoj ambasadën e re të Kosovës në Jeruzalem për t’i mirëpritur dhe falënderuar ata personalisht – dhe shpresoj që një ditë të mund të udhëtoj për të eksploruar vetë vendin.”.

Letra e plotë e publikuar, më 3 shkurt 2021

Kosova e di më së miri

Mirë se vini në Kosovë, kombi i parë me shumicë myslimane që njeh qartë – se Jeruzalemi është kryeqyteti i shtetit hebre (“Izraeli dhe Kosova vendosën lidhje diplomatike me Zoom”, 1 shkurt).

Hapi i guximshëm diplomatik nga ky komb i vogël ballkanik pa dalje në det mund të ndihmojë elementët armiqësorë në pjesën tjetër të botës islamike të kuptojnë se shitja e gënjeshtrave dhe dezinformimi rreth Tokës së Izraelit dhe hebrenjve autoktonë të saj është joproduktive për paqen dhe përparimin.

Unë pres që të vizitoj ambasadën e re të Kosovës në Jeruzalem për t’i mirëpritur dhe falënderuar ata personalisht – dhe shpresoj që një ditë të mund të udhëtoj për të eksploruar vetë vendin.

KEVIN GREENBAUM
Tel Aviv