Ministri i Mbrojtjes së Izraelit, Avigdor Liberman, Shefi i Shtabit të Përgjithshëm të Ushtrisë Izraelite, Gadi Eizenkot, gjeneralë, komandantë dhe ushtarë morën pjesë në një ceremoni në të cilën u nderuan me certifikata 31 oficerë dhe ushtarë nga njësi të ndryshme të njësive të ushtrisë izraelite në ajër, det dhe tokë.

“Një komandant është së pari dhe para së gjithash një lider, një edukator. Është ai që jep drejtimin e duhur, në lidhje me vlerat e ushtrisë izraelite dhe standardit të demokracisë izraelite. Unë e di mjaft mirë se jeni fanari që udhëheq gjithë kampin”, tha Liberman.

Ministri i mbrojtjes shtoi: “Ne jetojmë në një realitet të ri të një Lindje të Mesme të re, e cila është më e keqe sesa ajo e vjetër. Dhe në këtë realitet të ri të tmerrshëm, ne duhet të përballemi me teste të vështira. Ballafaqimi i ardhshëm, nëse do të ndodhë, do të ketë një karakter komplet ndryshe, kur armiqtë tanë do të përpiqen të sulmojnë fillimisht qendrat e populluara dhe infrastrukturën civile. Kështu, ne ne nuk do të kemi luksin e një lufte të gjatë”.

“Në çdo konfrontim ne duhet ta udhëheqim nga momenti i parë me profilin më të lartë, duke përdorur gjithë fuqinë e Ushtrisë izraelite”, vazhdoi Liberman.

“Nëse dikush do të kalojë vijën e kuqe, pala tjetër duhet ta dijë më përpara se do të paguajë çmim të rëndë”, theksoi ministri i mbrojtjes izraelite.