Presidenti i Republikës së Shqipërisë, Ilir Meta, vlerësoi me Titullin “Kalorës i Urdhrit të Skënderbeut” zotin Rafael Faust me motivacionin: “Në vlerësim të veprimtarisë dhe kontributit të vyer shumëvjeçar si Konsull Nderi i Republikës së Shqipërisë në Izrael për zgjerimin dhe konsolidimin e marrëdhënieve historike dypalëshe, për thellimin e mëtejshëm të bashkëpunimit tregtaro-ekonomik mes dy vendeve dhe për promovimin e imazhit të shqiptarëve në këtë vend mik”.

Titulli iu dha zotit Faust gjatë një ceremonie të mbajtur në Presidencën e Shqipërisë, me rastin e Festës Hanukah, apo Festivalit të dritave, më 14 dhjetor 2017.