“Smart Home” (Shtëpi inteligjente) dhe shtëpi të sigurta për të moshuarit.

Ky është kontributi i një kompanie izraelite. Essence Group, një kompani izraelite që merret me mbrojtjen e shtëpisë, po zgjerohet në sektorët mjekësorë dhe të Smart Home (Shtëpitë inteligjente).

“Essence”, një nga 50 eksportuesit më të mëdhenj izraelitë, funksionon prej 24 vjetësh.

Kompania ka 750 punonjës dhe ka shitur deri tani 20 milionë sisteme, shumë prej të cilave janë prodhuar në fabrikën pranë Ofakim.

Suksesi i Essence bazohet në sensorë dhe sisteme alarmi për sigurinë e brendshme.

Në vitet e ardhshme, Essence shpreson të zgjerohet në tregun mjekësor, kryesisht të përkushtuar ndaj të moshuarve, gjë që u lejon atyre të vazhdojnë të jetojnë – edhe nëse janë vetëm –  të qetë dhe të sigurt në shtëpinë e tyre.

“Aktualisht ne kemi një të katërtën e tregut për sistemet e alarmit në Europë nëpërmjet një klienti shumë të madh në Spanjë, që tregton kryesisht në Evropë, dhe ky është biznesi ynë kryesor tani,” thotë Yossi Graff për Globes.

“Në Smart Home menaxhojmë shtëpinë nga pikëpamja e energjisë dhe ndriçimit të zgjuar. Filluam në vitin 2003 me një përpjekje të rëndësishme bashkëpunimi me Nokia. Ne lehtësojmë lidhjen me pajisje të ndryshme përmes sistemeve softuerike të menaxhimit të shtëpisë si Alexa, Nest dhe Apple Watch”, shton Yossi Graff.

https://www.facebook.com/doncafehouse/

Qëllimi i kompanisë është tani mosha e tretë. Përmes analizës dhe kuptimit të nevojave të të moshuarve, Essence dëshiron të zhvillojë produkte të dedikuara për ata. Pajisjet për të parandaluar rrëzimin, sistemet emergjente, GPS dhe akoma shumë më tepër

Me kalimin e viteve, gjithnjë e më shumë të moshuar po përdorin smartfonë dhe kjo e bën shumë më të lehtë zhvillimin e këtyre sistemeve dhe aplikacioneve.