Në Izrael mund të gjesh nga gjithçka. Kështu që, nuk mund të mungonte edhe një presidente klubi futbolli. Dhe me rastin e 8 Marsit, Ditës Ndërkombëtare të Gruas, ja vlen t’i bësh një portret asaj.

Alona Barkat është pronarja e Hapoel Beer Sheva, ekipit të futbollit që përfaqëson qytetin izraelit më të njëjtin emër.

Nën drejtimin e Barkat, Hapoel Beer Sheva u transformua nga një ekip modest në vështirësi financiare, në një prej klubeve kryesore në futbollin izraelit.

Me mijëra tifozë dhe me dy kampionate të fituara në dy sezonet e fundit, Hapoel Beer Sheva provoi se gjithçka është e mundur.

Po cila është biznesmenia 49-vjeçare Alona Barkat?

Barkat u lind dhe u rrit në Ashkelon, një qytet i njohur në Izrael, ndërsa më pas, familja e saj u transferua në Jeruzalem. Pasi kreu shërbimin e detyruar ushtarak, ajo diplomua për histori në Universtetin Hebraik të Jeruzalemit.

Gjatë studimeve ajo u njoh me bashkëshortin e ardhshëm, Eli Barkat, atëherë një studet për Matematikë dhe Shkenca Kompjuterike. Eli Barkat është vëllai i kryetarit të Bashkisë së Jeruzalemit, Nir Barkat.

Për tetë vjet, 1996-2004, Alona dhe bashkëshorti i saj, jetuan në SHBA, së bashku edhe Nir Barkat, ku investuan në kompaninë Check Point, si dhe dy fonde “Venturë Capital”, BRM dhe INV. Barkat financoi disa projekte sociale, dhe ishte aktive në organizatat e hebrenjve të Amrikës, AIPAC dhe “Federata e Hebrenjve” të San Françiskos.

Në vitin 2004, ajo u kthye në Izrael me familjen e saj. Marrëdhënietr me biznesmenin Lonnie Herzikovic, asokohe pronari i ekipit të futbollit, Maccabi Tel Aviv, e udhëhoqi të konsideronte pjesëmarrjen te Maccabi.

Ishte CEO i Fondacionit Rashi, Eli Alaluf, që e bindi atë të blinte klubin e futbollit, Hapoel Beer Sheva, që asokohe luante në kategorinë e dytë.

Alona Barkat e bleu klubin në verën e vitit 2007, nga pronari i mëparshëm Eli Zino, duke u bërë kështu femra e parë në Izrael që zotëronte një klub futbolli.

Presidenti i Izraelit, Reuven Rivlin, është një tifoz i hershëm i Hapoel Beer Sheva.

Gjatë presidencës së Alona Barkat, Hapoel Beer Sheva ka fituar dy kampionate, 2 Super Kupa të Izraelit, një Kupë të Izraelit dhe një Toto Cup.