OurCrowd, platforma e kapitaleve “crowdfunding” hapi një zyre të re në Mbretërinë e Bashkuar që ndodhet në Mayfair, Londër.

Britania është vendi i 10-të për gjigantin izraelit OurCrowd, i cili u themelua në Jerusalem dhe gjithashtu ka zyra në Shtetet e Bashkuara, Kanada, Australi dhe Singapor.

Zyra e re do të kryesohet nga drejtori i ri i marrëdhënieve të investitorëve Lina White, e cili më parë ka punuar në firmën e financave shumëkombëshe Goldman Sachs.

White do të menaxhojë aktivitetet e OurCrowd, duke përfshirë komunitetin në rritje të investitorëve britanikë, shkruan portali izraelit, NoCamels.com.

OurCrowd pret të shtojë mijëra investitorë të rinj në Mbretërinë e Bashkuar dhe të ndihmojë startupet izraelite të hyjnë në tregun e Britanisë së Madhe.

E themeluar në vitin 2013 nga Jon Medved, OurCrowd aktualisht ka gati 25,000 investitorë të akredituar nga mbi 112 vende. Platforma ka thithur mbi 650 milionë dollarë dhe ka investuar në 145 portofole kompanish dhe fonde.

Kompania parashikon se do të kapërcejë 1 miliard dollarë në asetet nën menaxhim, të ngritura përmes “crowdfunding” nga investitorët, e njohur ndryshe si praktika e financimit të një projekti apo sipërmarrjeje, duke hedhur shuma të vogla parash nga një numër i madh njerëzish, zakonisht nëpërmjet internetit.