“Në ditët e sotme, nuk ka kompani shumëkombëshe që mund të shpërfillë teknologjinë izraelite”.

Kjo është deklarata e David Brodet, Kryetar i Bankës Leumi qëndër në Izrael, e bërë gjatë një konference mbi teknologjinë në Nju Jork, e cila është organizuar nga portali ekonomik izraelit, Calcalist.co.il, më bashkëpunim me Bankën Leumi dhe Ministrinë izraelite të Jeruzalemit dhe Trashëgimisë. Në konferencë marrin pjesë shumë përfaqësues të sektorit të teknologjisë izraelite.

Nju Jorku është një qytet me një ekosistem të begatë të startupeve e që po fillon të konkurrojë me atë të Silicon Valley, sipas izraelites Calcalistech.com.

“Sot Izraeli është pozicionuar si një central elektrik teknologjik.  Gjigantët globalë nga çdo sektor nuk mund t’ia lejojnë më vetes që të mos përfshihen në teknologjinë izraelite – duke hapur qëndra për “Kërkim dhe zhvillim” (R&D) ose duke investuar në satupe premtuese. Kjo është e dukshme në sasinë e investimeve të huaja direkte, të cilat rriten çdo vit” shtoi Brodet, duke iu referuar edhe në numrit në rritje të kompanive izraelite të blera nga shumëkombëshet.

Kryetari i Bankës Leumi, theksoi se edhe arabët me nënshtetësi izraelite, si dhe hebrenjtë ortodoksë, duhet të inkurajohen të rrisin pjesëmarrjen e tyre në startupet izraelite.

E themeluar 116 vjet më parë, në vitin 1902, sot, Banka Leumi është banka më e madhe e Izraelit (nga totali i aseteve deri më 2015), me zyra jashtë shtetit në Luksemburg, SHBA, Zvicër, Mbretëria e Bashkuar, Meksika, Uruguai, Rumania, Jersey dhe Kinë.

/Izraeli Sot/