Izraeli ka një tregues lindjesh dukshëm më të lartë në vitin se çdo vend tjetër i zhvilluar për gjatë vitit 2016.

Statistika vjen nga Zyra Qendrore e Statistikave, që zbulon edhe faktin se, gratë hebreje kanë pothuajse thuajse po aq shumë fëmijë sa gratë arabe, duke vazhduar një prirje në të cilin ky hendek po vjen duke u ngushtuar vazhdimisht në 20 vitet e fundit.

Sipas raportit, 181,405 foshnja kanë lindur në Izrael në vitin 2016 – një rritje prej 92 për qind krahasuar me vitin 1980. Pothuajse 74 për qind e foshnjave kanë lindur nënat hebreje dhe 20.7 për qind në gratë myslimane. Nga të porsalindurit, 51.5% ishin meshkuj dhe 48.5% ishin femra.

Shkalla e përgjithshme e lindshmërisë për izraelitët ishte 3.11 fëmijë për çdo grua, shumë më e lartë se çdo anëtar tjetër i Organizatës për Bashkëpunim dhe Zhvillim Ekonomik (OECD), ku bëjnë pjesë 35 vende anëtare (Shqipëria dhe Kosova nuk bëjnë pjesë).

Izraeli, SHBA-ja, Gjermania, Irlanda, Japonia, Italia, Britania, Australia, Belgjika, Kanadaja, Kili, Greqia, Franca, Polonia, Meksika, Korja e Jugut janë disa nga 35 shtetet e OECD.

Mesatarja e OECD është rreth 1.7 fëmijë për çdo grua dhe norma e dytë më e lartë e lindshmërisë për një anëtar të organizatës është Meksika me rreth 2.2.

Izraeli ka aktualisht mbi 8.8 milionë banorë, duke u renditur në vendin e 98-të nga 207 shtete në botë.

/Izraeli Sot/