Sipas një raporti të Bankës së Izraelit në vitin 2017, ka pasur një rënie të fortë (80%) në përdorimin e qeseve plastike.

Ndër arsyet kryesore, ka të bëjë edhe me një ligj të ri për të paguar çdo qese plastike në arkat e supermarketeve, teksa e njëjta gjë aplikohet edhe në Shqipëri.

Që nga janari 2017, secili klient duhet të paguajë shumën simbolike prej 10 agorot (rreth 3 lekë) për çdo qese.

Lexo edhe këtë

• Nuk ka shumëkombëshe sot që nuk është përfshirë në teknologjinë e lartë izraelite
• Si një izraelit 31-vjeçar, vetëm me një laptop bëri një kompani që vlen sot 2 mld dollarë

“Duke pasur parasysh suksesin e ligjit,” thotë raporti, “vlen të merret parasysh zgjatja e zbatueshmërisë së pagesës së këtij tatimi për të adresuar problemet e tjera mjedisore”, thotë Banka e Izraelit.

Sipas sondazhit, norma e marrjes së 5 ose më shumë qeseve në javë ra nga 55% në 30% të konsumatorëve.

Vetëm 9% e të anketuarve thanë se kishin zvogëluar konsumin e qeseve sepse pagesa ishte shumë e shtrenjtë.

Dy të tretat vunë në dukje se vetë fakti i pagimit të tyre çoi në uljen e konsumit jo për shkak të pagesës, por për shkak të dëmit ekologjik.