Selman Waksman është një nga fituesit e shumtë hebrenj të Çmimit Nobel për Mjekësi. Ai e fitoi atë në vitin 1952, për “zbulimin e streptomicinës, antibiotikut të parë efektiv kundër turbekulozit”.

Selman Abraham Waksman (22 korrik 1888 – 16 gusht 1973) u lind në një familje hebreje (Jacob Waksman dhe Fradia London) në Nova Pryluka në ish-Perandorinë Ruse, sot pjesë e Ukrainës dhe që numëron rreth 2 mijë banorë.

Ai është një shpikës amerikano-hebre, biokimist dhe mikrobioligjist, i cili zbuloi një numër të konsiderueshëm antibiotikësh, që e bënë atë një shkencëtar të shquar.

Ai emigroi në SHBA kur ishte 22 vjeç (1910) pasi mbaro gjimnazin në Odesa  ndërsa gjashtë vjet më pas ai mori nënshtetësinë amerikane.

Ai u diplomua fillimisht për Agrikulturë në Kolegjin Rutgers, por më pas ai iu përkushtua bakterologjisë. Ai fitoi doktoraturën në Biokimi (1918) dhe punoi në Universitetin Rutgers në Departamentin e Biokimisë dhe Mikrobiologjisë.

Në vitin 1951, ai themeloi Waksman Foundation of Microbiology, ndërsa një vit më pas mori Çmimin Nobel në Mjekësi, si dhe është nderuar me shumë çmime të tjera të rëndësishme.

Selman Waksman është autor ose bashkëautor i 400 punimeve shkencore, 28 librave dhe 14 pamfleteve shkencore.

Ai vdiq në moshën 74-vjeçare dhe në varrin e tij është shkruar hebraisht dhe anglisht: “Toka do të hapet dhe do të sjellë shpëtimin”, një psalm nga Isaaku 45:8.

LEXO EDHE

• Artur dhe Roxher Kornberg, babë e bir, fitues të Çmimit Nobel
• Dita Ndërkombëtare e Gruas, 7 gratë hebreje që kanë fituar Çmimin Nobel
• Hebreu Michael Rosbach fiton Cmimin Nobel 2017 në Mjekësi
• Izraelitet qe kane fituar Çmimin Nobel