Të kesh frikë dhe të jesh i shqetësuar rreth operacionit është normale. Por tani panorama mjekësore botërore mund të përfitojë nga një shpikje izraelite që zëvendëson bisturinë: “simbolin” e kirurgjisë. Hulumtuesit në Universitetin Technion në Haifa kanë zhvilluar një pajisje që zëvendëson bisturinë e kirurgut me materiale biologjike natyrore.

Në një artikull të botuar  në revistën “ACS Nano” të American Chemical Society, hulumtuesit paraqesin aplikimin e kësaj teknologjie që tregon përdorimin në një procedurë kirurgjikale në gojë. Ky sistem redukton ndjeshëm dhimbjen e lidhur me kirurgji ortodontike dhe përshpejton dukshëm lidhjen e indeve.

Hulumtimi u krye nga Prof. Avi Schroeder, një ekspert i nanoteknologjisë i cili kryeson laboratorin e Inxhinierisë Kimike në Fakultetin Wolfson.

“Thika”” është e bazuar në përdorimin inteligjent të enzimeve – molekulave biologjike me anë të të cilit trupi i rikthen indet – përveç nanopjesëzat dhe një teknologji të fuqishme për administrimin e kontrolluar të barnave, shkruan Siliconwadi.it.

Gjatë viteve, bisturia e kirurgut është bërë gjithnjë e më i sofistikuar, por paradigma nuk ka ndryshuar, por tani bëhet fjalë për zëvendësimin e një procesi mekaniko-fizik me një proces biologjik.

Hulumtuesit zhvilluan një seri eksperimentesh në të cilat u përcaktua përqendrimi optimal i kolagjenezës për procedurën dhe rehabilitimin e mëvonshëm të indeve.

Hulumtimi gjithashtu ka përfshirë mjekët Sourasky  në Tel Aviv, mjekët dhe dentistët e Rambam në Haifa dhe Moriah Veterinary Center.