Kompania e njohur e kartave të kreditit, Visa, bëri të ditur krijimin e një fondi investimesh prej 100 milionë dollarësh të fokusuar për t’u investuar në startapet me karakterit financiar (fintech) në vendet evropiane dhe në Izrael. Lajmi u bë i ditur nga CEO i Visa për Europën, Charlotte Hogg.

Shahar Friedman, kreu ekzekutiv i Visa në Izrael, tha për gazetën ekonomike izraelite “Calcalist” se, Visa e sheh Izraelin si vend ideal për inovacionet fintech.

Kompania do ta hedhë vështrimin për teknologji inovative në fusha të tilla si pagesa, siguria informative, parandalimi i mashtrimeve dhe në e-commerce.