Forumi Ekonomik Botëror (World Economic Forum) ka përfshirë tetë startape izraelite në listën e kompanive lider për projektimin dhe zhvillimin e inovacioneve dhe teknologjive potencialisht revolucionare.

Lista e plotë përfshin 61 kompani ende në fazën fillestare, që vijnë nga e gjithë bota, të cilët po eksperimentojnë me teknologji të reja dhe inovacione që lidhen me përdorimin e inteligjencës artificiale, zbulimin e medikamenteve, zhvillimin e automjeteve autonome, rritjen e sigurisë së informacionit dhe reduktimin e mbeturinave ushqimore.

Kompanitë janë të ndara në kategori përfshirë dixhitale dhe argëtuese, sigurinë kibernetike dhe identitetin dixhital, lëvizshmërinë, energjinë dhe mjedisin, prodhimin, sistemin financiar, shëndetin, sigurinë e ushqimit dhe bujqësinë.

Izraeli renditet i dyti për numrin e kompanive, vetëm pas Shteteve të Bashkuara. Lista e 2018 e Forumit Ekonomik Botëror gjithashtu përfshin startape nga Mbretëria e Bashkuar, Zvicra, Franca, Gjermania, Australia, Kina, Bangladeshi, India, Indonezia, Zelanda e Re, Maroku, Brazili, Kenia, Suedia dhe Kanadaja.

Kompanitë e përzgjedhura izraelite janë:

Watergen, një kompani me bazë në Rishon LeTzion, teknologjia e së cilës gjeneron ujë të pijshëm të pastër nga ajri;

Utilis, një kompani e bazuar në Rosh Ha’ayin, e cila përdor teknologjinë satelitore për të zbuluar rrjedhjet në tubacionet e ujërave nëntokësore;

Vayyar, bazuar në Yehud dhe prodhon sensorë të rinj për imazhe 3D me rezolucion të lartë në kohë reale;

XM Cyber, me qendër në Herzliya, i cili ka zhvilluar softuer që identifikon dhe zbulon sulme të mundshme;

Innoviz Technologies, me seli në Kfar Saba, e cila prodhon sensorë LIDAR (ndriçimi) për makinat autonome;

Aqua Security, një kompani kibernetike e bazuar në Ramat Gan, e cila ofron siguri për aplikacione të bazuara në cloud dhe parandalon aktivitetet e dyshimta në kohë reale;

Precognize, bazuar në Tirat Carmel, e cila ka zhvilluar softuerin e mirëmbajtjes për impiantet industriale;

Raycatch, me seli në Tel Aviv, ka zhvilluar softuer që lejon zbulimin e largët dhe automatik të performancës së projekteve fotovoltaike të çfarëdo madhësie.

Liderit e vitit 2018 në fushën e teknologjisë do të marrin pjesë në Summer Davos,, takimi vjetor i Forumit Ekonomik Botëror, i cili do të mbahet në Tianjin, Kinë, nga 18 deri më 20 shtator.