Një studim ndërkombëtar e ka renditur Izraelin si vendin e tetë më të fuqishëm në botë për të dytin vit radhazi, përpara Iranit, Arabisë Saudite dhe Turqisë.

Vrojtimi vjetor nga “US News & World Report” u botua gjatë fundjavës, bazuar në përgjigjet e më shumë se 21,000 njerëzve nga katër rajone.

Anketa rendit 80 vende në një sërë çështjesh, duke përfshirë fuqinë ushtarake, ndikimin kulturor, ekonominë dhe sipërmarrjen, me kategoritë që më pas formojnë një renditje të përgjithshme për “vendet më të mira”.

Në renditjen e fuqisë ushtarake, Izraeli u rendit brenda dhjetë vendeve më të mira, pas Shteteve të Bashkuara, Rusisë, Kinës, Gjermanisë, Mbretërisë së Bashkuar, Francës dhe Japonisë, sipas kësaj renditje.

Fqinjët Arabia Saudite dhe Emiratet e Bashkuara Arabe u renditën në vendin e 9-të dhe 10-të, me vendet e tjera të Lindjes së Mesme Irani dhe Turqia u renditën përkatësisht në 13-të dhe 14-të, shkruan “Times of Israel”.

“Për madhësinë e tij relativisht të vogël, vendi ka luajtur një rol të madh në çështjet globale”, shkruan revista në përshkrimin e Izraelit, e cila – pas njohjes së dhjetorit 2017 të Presidentit të SHBA Donald Trump – e cilëson Jerusalemin si kryeqytetin e tij.

Izraeli bëri gjithashtu dhjetë të parët në listën e “lëvizësve” – rritjen e ekonomive të ardhshme – ku u rendit i dhjeti. Emiratet e Bashkuara Arabe, India dhe Singapori ishin tri vendet më të renditura më lartë në atë kategori, respektivisht.

Shteti hebre ishte renditur më i ulët në pjesën tjetër të kategorive: 25 në sipërmarrje, 29 në trashëgimi, 33 në qytetari, 35 në cilësinë e jetës, 40 në ndikimin kulturor, 64 në hapje për biznes dhe 70 në aventurë